Анкьил къоязул хIакъалъулъ баян
ГьатIан къоялъ – мина базе байбихьизе, гъутIби чIезе, хур бекьизе лъик1аб буго.
Малъал къот1ани - баркат дагьлъила.
Итни къоялъ – сапаралде вахъине лъик1аб буго. Мух1амад Авараг (с.т.г1.в.) Маккаялдаса Мадинаялде итни къоялъ вахъана.
Малъал къот1ани – г1акълу ц1ик1к1ина.
Талат къоялъ – би бахъизе лъик1аб буго. Адам аварагасул (г1.с.) вас Гьабил гьеб къоялъ ч1вана.
Малъал къот1ани – ургъел ц1ик1к1ина.
Арбаг1 къоялъ - дару гьекъезе лъик1аб буго. Лъик1ал х1алт1абазде байбихьизе лъик1аб буго, амма капуразе г1оло гуреб. Т1адег1анав Аллагьас Пирг1авнги, Къарунги, Намрузги ва цогидалги гьеб къоялъ гьаруна.
Малъал къот1ани – т1абиг1ат квешлъила.
Хамиз къоялъ – х1ажатаб жо т1алаб гьабизе лъик1аб буго. Юсуп авараг (г1. с.) эбелгун гьеб къоялъ данделъана. Г1алайгьи ссалам нилъер аварагасги жиндирго аскаргун цадахъ вач1ун, гьеб къоялъ Макка бахъана.
Малъал къот1ани - унти ина.
Рузман къоялъ - руччабазул магьари лъезе лъик1аб буго. Адам аварагас (г1. с. ) Х1аваги, Юсуп аварагас (г1. с.) Зулайхаги, Мух1амад аварагас
( с.т.г1.в.) Хадижатги, Г1аишатги, Г1али асх1абас Пат1иматги гьеб къоялъ рачана.
Малъал къот1ани – боц1и ц1ик1к1ина, иманги ц1ик1к1ина.
Шамат къо – макру-х1иллаялъул къо буго. Г1емерал аварагзабазе макру-х1илла гьеб къоялъ гьабун буго. Амма чанаве вахъине лъик1аб къо буго.
Малъал къот1ани- килщазда ругъун лъела.